Sunday, August 19, 2018

சிக்கல்சிங்காரவேலா ஜீவனைச் சிவனாக்கிடுவாய்


பரம்பொருள் குடியிருக்கும் குன்றமது
நித்தமும் கோவிலைச் சுற்றிடும் தோகைமயில்
மண்ணிலும், விண்ணிலும், மலையிலும், வனப்பாதையிலும்
அனைத்திலும் அவன் நிறைந்திருப்பது
திருப்பரங்குன்றத்தில்.

மயிலால் உலகளந்த பெருமான்
ஈசன் அருளிய பழம்
தனக்கு கிடைக்கவில்லையென்பதால்
குமரன் ஏக்கம் கொண்டு அமர்ந்த இடம்
பழமுதிர்சோலை.

சமுத்திரம் சூரசம்ஹாரத்தால் ஆனது செந்நிறம்
அதனைச் செய்த செந்தில்வேலவன் வீற்றிருப்பது
திருச்செந்தூர் எனும் விண்ணிலம்.

அடியவர்களின் குறை தீர்க்க
முருகா என்றழைத்து முடிக்கும் முன்பே
வந்து நிற்கும் குமரன்
கயிலைமலையை விட்டு தனியனாய் வந்து
ஆண்டியாய் நின்று இப்புவியை
ஆண்டுகொண்டிருக்கம்
ஞானப்பழமான முருகன் வீற்றிருக்கும்
பழனிமலை.

திருப்பதி கைவிட்டுப் போனால் என்ன
திருத்தணி எங்களுக்கு கிடைத்ததல்லவா
எல்லோரும் பொன்னாக கொட்டட்டும் திருப்பதியில்
மலைகளே பொன்னாக ஜொலிக்கும்
கந்தன் சினம் தணிந்து
வள்ளி தெய்வானையுடன் திருக்கோலம்
கொண்ட திருத்தணியில்.

திருவண்ணாமலையில் அருணகிரியாருக்கு
அடைக்கலம் அளித்து தமிழ்கவிபாட
அடியெடுத்துக் கொடுத்து அருள் புரிந்த கந்தபிரான்
அண்ணாமலை இருக்குமிடத்தில்
கந்தனைப் வாழ்த்திப் பாடிய
அருணகிரிநாதரின் காலடிபட்ட இடம்
சுவாமிமலை.

முருகன் பாடல் எழுத என்னைத் தொடர்புகொள்ளுங்கள்
இலவசமாக எழுதித் தருகிறேன் விருப்பமுள்ளவர்கள்
தொடர்பு கொள்ளவும் கீழ்க்கண்ட விலாசத்தில்

உனத‍டிமை ப.மதியழகன்
115,வள்ளலார் சாலை,
ஆர்.பி.சிவம் நகர்,
மன்னார்குடி - 614001.
திருவாரூர் மாவட்டம்.
தமிழ்நாடு,
இந்தியா.
cell:9597332952, 9095584535
whatsapp:9384251845
mathi2134@gmail.com

No comments:

Post a Comment